Panama Papers

A Panama èn vegnids publics 11.5 milliuns documents secrets d'ina chanzlia d'advocats. Quai èn documents cun infurmaziuns delicatas davart stars, politichers e sportists che han zuppà lur raps.

Tabla cun nums da plirs firmas.
Legenda da maletgs: Documents secrets d’ina chanzlia d’advocasts da Panama procura per tensiun. KEYSTONE

Questas infurmaziuns procuran per grondas undas. Las infurmaziuns sajan fitg brisantas: Ins ha para infurmaziuns secretas da 200'000 firmas da chartera (Briefkastenfimen). In cas uschè grond haja probabel anc mai dà.

La Süddeutsche Zeitung ha tenor atgnas indicaziuns obtegnì las 11.5 milliuns datas avant passa in onn. Ensemen cun 100 autras chasas da medias han ins uss durant in onn elavurà las datas e fatg ulteriuras retschertgas. Ils prims resultats han ins publitgà ier.

Las infurmaziuns ed ils artitgels da medias en ina chaussa. In u l'auter pudess ussa survegnir problems pli gronds. In num ch'è vegnì numnà pliras giadas è quel dal president da la Russia, Vladimir Putin. Auters vegnan a suandar.

Autur/a: RTR/cl