Palazi Elysée

La sedia uffiziala ch'il nov president Emmanuel Macron dastga bainprest retrair. In palazi cun istorgia ma er diversas istorgias in pau dubiusas.

Palazi Élysée
Legenda da maletgs: Il palazi Élysée - dapi 1873 la sedia dal president franzos. Keystone

Ils Franzos numnavan il palazi er «la sedia da la pitauna dal retg» perquai che Jeanne-Antoinette Poisson, meglier enconuschenta sco Madame Pompadour abitava là. I da pliras versiuns da la istorgia:

Ina di che la metressa dal retg Ludivic XV haja cumprà il palazi il 1753 suenter la mort dal duca d'Évreux che ha laschà bajegiar il palazi. Pli tard haja ella surlaschà l'Élysée al retg. Tenor l'autra versiun è il palazi in regal dal retg a sia metressa.

Istorgias ed istorgia

La tempra d'afferas, relaziuns d'amur ed istorgias dubiusas ha il palazi mantegnì fin oz. Dapi il 1873 è el la sedia uffiziala dal president franzos e divers dad els han vivì u celebrà en l'Elysée relaziuns d'amur ed afferas, da François Mitterand fin tar Nicolas Sarkozy.

I ha dentant er dà decisiuns istoricas en il palazi. Per exempel ha l'imperatur Napoleon suttascrit sia abdicaziun l'onn 1814 en l'Èlysée. Ubain: il 1963 han Charles de Gaulle e Konrad Adenauer suttascrit en il palazi il contract che ha procurà per pasch tranter la Germania e la Frantscha.

Autur/a: Gion Gieri Flepp