Olimpiada

Ils gieus olimpics d'enviern en la Corea dal Sid èn a fin. Cumenza ussa l'olimpiada?

Ils gieus olimpics d'enviern en la Corea dal sid èn a fin
Legenda da maletgs: Ils gieus olimpics d'enviern en la Corea dal sid èn a fin. KEYSTONE

Olimpiada u gieus olimpics? Cun quels pleds datti savens confusiun. L'olimpiada è il temp da quatter onns tranter ils gieus olimpics da stad. Quai ha il Comité olimpic internaziunal definì sin fundament da la muntada greca dal pled.

In'olimpiada cumenza adina l'emprim da schaner da quai onn ch'ì dat gieus olimpics da stad. L'olimpiada actuala ha cumenzà l'emprim da schaner dal 2016 avant ils gieus olimpics da stad a Rio de Janeiro il 2016.

La proxima olimpiada cumenza da Bumaun 2020 avant ils gieus olimpics a Tokio. Ils gieus olimpics d'enviern èn pia amez l'olimpiada.

Autur/a: Marionna Lombriser