Nov imni naziunal

Questa saira resuna puspè dapertut l'imni naziunal. Dentant – tgenin chantar? Il psalm svizzer tradiziunal da Alberich Zwyssig da l'onn 1841 ubain la varianta moderna cun la medema melodia dentant in nov text da Werner Widmer dal 2015? Quella nova varianta n'ha betg uschè simpel da concurrenzar.

Da l'emprim d'avust pon ins chantar l'imni naziunal.
Legenda da maletgs: Da l'emprim d'avust pon ins chantar l'imni naziunal. Keystone

Il text da la nova varianta da l'imni è numnadamain main devot – Il cumponist ha stritgà Dieu or da las strofas. La basa dal text è la preambla da la Constituziun svizra da l'onn 1999. Las valurs che vegnan dechantadas èn pasch, solidaritad e libertad.

Instradà il nov imni aveva la Societad svizra d'utilitad publica. Il mainafatschenta Lukas Niederberger è persvadì, ch'il nov imni na saja betg mo pli moderns en ses cuntegn, mabain ch'el saja er pli simpel d'emprender ordador perquai ch'el è pli curt.

Er insaquants prominents fan reclama persuenter da chantar la nova varianta, per exempel anteriurs cussegliers federals sco Eveline Widmer-Schlumpf ubain Moritz Leuenberger ni era prominents sco Maria Walliser, Alex Capus, Emil Steinberger ni Marc Sway.