Laundroid – in roboter che fauda la vestgadira

Il Laundroid, in'invenziun dal Giapun che surpiglia la lavur da faudar la vestgadira. Ina lavur che custa a mintg'in en media 375 dis durant l'entira vita.

Tgi fauda schon gugent uras a la lunga vestgadira?
Legenda da maletgs: Tgi fauda schon gugent uras a la lunga vestgadira? Pixabay

Il roboter ha circa las mesiras sco ina tur da lavar cun maschina da lavar e tumbler. La vestgadira schubra na vegn dentant betg mess dad ina porta en sco tar la maschina da lavar, mabain en in truclet giudim.

Il Laundroid sa differenziar la vestgadira tenor tip e persuna. El sa pia sch'i sa tracta d'in t-shirt u d'ina chamischa ed el sa er sche la chamischa tutga al bab u sch'igl è ina blusa da la mamma.

Actualmain dovra il Laundroid var 10 minutas per faudar in toc. Ils sviluppaders èn dentant londervi da far el anc pli spert.

Autur/a: RTR/ggf