Laud per il vestgì blau cler da la First Lady

Melania Trump ha purtà in vestgì fitg frestg, classic e tradiziunal per la saramentaziun da ses um Donald Trump sco 45avel president dals Stadis Unids.

Melania Trump en blau cler durant la saramentaziun da Donald Trump
Legenda da maletgs: Melania Trump en blau cler durant la saramentaziun da Donald Trump. KEYSTONE

I dat bler laud per la gardaroba che la First Lady ha elegì per la ceremonia avant il Capitol a Washington. Cun il vestgì blau cler dal creatur da moda american Ralph Lauren haja Melania Trump tutgà il stil perfect e fetschia concurrenza a Jacky Kennedy, l'icona puncto moda da tut las First Ladies fin uss.

Autur/a: Marionna Lombriser