L'urden dals gesuits

Oz avant tschintg onns è l'argentin Jorge Mario Bergoglio daventà papa. Dapi 60 onns appartegn el al urden dals gesuits.

Petrus Canisius in pader dals Jesuits ch'ha pastorà a Friburg ed era in cumpogn da Ignazius da Loyola.
Legenda da maletgs: Petrus Canisius in pader dals Jesuits ch'ha pastorà a Friburg ed era in cumpogn da Ignazius da Loyola. Keystone

Societad Jesu è il num uffizial dals gesuits. Il spagnol Ignazius da Loyola ha fundà l'urden en il 16avel tschientaner. La sedia è a Ruma. Ils commembers na portan betg habit e na vivan betg en claustras, mabain en cuminanzas. Els s'obligheschan a la paupradad, al celibat ed a l'obedientscha. La furmaziun, la lavur sociala u la missiun èn las finamiras principalas dals gesuits ch'èn activs sin l'entir mund.
La rolla dals gesuits en l'istorgia chaschuna da vegl ennà discussiuns cuntraversas e suspects. Durant tschientaners ha l'urden gì grond'influenza en il Vatican. En diversas tiaras è el stà scumandà, er en Svizra.

Autur/a: Marionna Lombriser