L'apricosa

En il Vallais ha la racolta da las apricosas cumenzà duas emnas pli baud ch'auters onns. Il zercladur chaud ha fatg madirar ils fritgs pli baud. Pervia da las scheliras da la primavaira datti dentant pli paucs fritgs. Ins quinta be cun 4'200 tonnas, la mesadad dad auters onns.

La racolta d'apricosas en il Vallais
Legenda da maletgs: La racolta d'apricosas en il Vallais. KEYSTONE

L'apricosa è in fritg grondius e sanadaivel. Ella cuntegn provitamin A, vitamin B1, B2, C e plinavant er calium, calzium e fosfor. Il fritg appartegn a la famiglia botanica da las rosas sco la paloga, la primbla, il mail u la fraja. L'apricosa che deriva probabel da la China, vegniva cultivada gia en l'antica. Ils gronds producents d'apricosas èn l'Usbekistan, la Tirchia da l'Ost, l'Iran e l'Italia.

Autur/a: Marionna Lombriser