Kobe Bryant

Michael Jordan è la gronda legenda da basket. Ina icona dal sport che quasi mintgin enconuscha. La davosa notg è la carriera d'in auter grond giugader da basket ida a fin. Numnadamain la carriera da l'american Kobe Bryant.

Kobe Bryant è amez la halla e di adia a ses fans
Legenda da maletgs: Kobe Bryant di adia a ses club ed a ses fans. Keystone

Bryant ha giugà sia entira carriera da profi tar il medem club - tar ils Los Angeles Lakers. Tschintg giadas ha el gudagnà il campiunadi en la megliera liga dal mund - la NBA.

Plinavant è el vegnì duas giadas campiun olimpic cun ils Stadis Unids (2008 e 2012).

La davosa notg ha el giugà cun 37 onns sia davosa partida en la NBA. Cun ses Los Angeles Lakers ha el batt! ils Utah Jazz cun 101-96.

Autur/a: RTR/gcc