Kiew - la chapitala da l'Ucraina

Quests dis è Kiew la citad dal Eurovision Song Contest. La chapitala da l'Ucraina n'è betg ina destinaziun turistica enconuschenta sco Paris, Ruma u Prag. Kiew cun ses bajetgs sacrals imposants valess dentant in viadi.

La claustra da las grottas Lavra a Kiew
Legenda da maletgs: La claustra da las grottas Lavra a Kiew. KEYSTONE

Kiew è stà in center cristian-ortodox davent dal temp medieval. La citad vegniva numnada il Jerusalem da l'ost. Perditga da quell'impurtanza dattan pliras catedralas, claustras e baselgias imposantas. La catedrala da la Sofia da Kiew e la claustra da las grottas Lavra stattan sut la potecziun da l'UNESCO. Oz è Kiew cun ses radund trais milliuns abitants ina citad da l'industria d'itschal, da maschinas, da la construcziun d'aviuns cun l'interpresa Antonow. Lavur dattan er interpresas da chemia, ieli u gas. Ver 70% da la populaziun discurra ucrain, 25% russ.

Autur/a: Marionna Lombriser