Karl Friedrich May

Oz pudess il scrivent tudestg Karl May festivar ses 175avel anniversari. Propi enconuschent è May vegnì entras l'istorgia da Winnetou.

Winnetou è la pli enconuschenta ovra da Karl May.
Legenda da maletgs: Winnetou è la pli enconuschenta ovra da Karl May. Keystone

Karl May è naschì il 1842 ad Ernstthal en il Sachsen. Gia durant la scolaziun – ed era pli tard en il seminari da scolasts a Waldenburg – è May adina puspè crudà si entras acts criminals. El ha schizunt stuì finir la scolaziun da scolast en in auter seminari. Pliras giadas è Karl May era stà en praschun.

Cun bun 30 onns ha May cumenzà a dar scola e publitgar texts. Suenter ses engaschis sco redactur tar differents magazins e gasettas en Germania ha May survegnì il 1891 la schanza da publitgar intginas da sias istorgias. Sia istorgia la pli enconuschenta è quella da Winnetou. Ils raquints da l'indian e ses ami Old Shatterhand en il Wild West èn enconuschents sin l'entir mund.

Autur/a: Selina Chistell