Jeremy Corbyn

Sper la primministra Theresa May è Jeremy Corbyn la segunda gronda figura en las elecziuns da parlament en Gronda Bretagna.

Dapi che Jeremy Corbyn è schef da la partida Labour è la cifra da commembers explodida.
Legenda da maletgs: Dapi che Jeremy Corbyn è schef da la partida Labour è la cifra da commembers explodida. Keystone

Jeremy Corbyn è dapi stgars dus onns il schef da la partida Labour. Dapi il 1983 è el commember dal parlament brit. En quels varga 30 onns è Corbyn magari crudà si sco rebel da partida. Diversas giadas ha el vuschà cunter propostas da sia fracziun.

Oz s'engascha il politicher da la partida Labour cunzunt per temas socials. Uschia per exempel per il sistem da sanada, la furmaziun, las rentas u era per la mancanza d'abitaziuns.

Relaziun cun l'Uniun Europeica

Jeremy Corby è per in Brexit «soft». Vul dir: el na less betg in tagl uschè dir cun l'UE sco quai che Theresa May giavischa. El è dentant era per restrenscher la circulaziun da burgais da l'UE en la Gronda Britannia. Critichers dian ch'il schef da la partida Labour n'haja betg ina lingia clera en dumondas d'Europa.

Autur/a: Selina Chistell