Jeff Bezos – il pli ritg um dal mund

Cun 112 milliardas dollars facultad è il fundatur e CEO da Amazon.com da 54 onns il pli ritg um dal mund. Bill Gates, il fundatur da Microsoft resta uschia sin plaz dus cun 90 milliardas facultad.

Jeff Bezos tar l'inauguraziun da Amazon Spheres a Seattle
Legenda da maletgs: Jeff Bezos tar l'inauguraziun da Amazon Spheres a Seattle keystone

Jeff Bezos è a la testa da las 2'208 persunas las pli ritgas dal mund. Ensemen possedan questas persunas totalmain 9100 milliardas dollars ed ellas en sparpagliadas sin l'entir mund.

Sin la glista dals ritgs cumparan era Svizzers. Gianluigi e Rafaela Aponte possessurs da la MSC èn sin plaz 164. Ernesto Bertarelli, biotecnologia ed investment, plaz 174 ed ils fragliuns Willi ed Isolde Liebherr, da l'interpresa Liebher International, sin plaz 222.

Autur/a: Gaby Degonda