Jared Kushner

Quels dis è el en l'attenziun dals meds da massa americans, il topcussegliader e schender da Donald Trump Jared Kushner. El che ha manà la campagna electorala haja tenor la Washington Post e tenor NBC News infurmaziuns relevantas per sclerir las relaziuns cun la Russia durant las elecziuns.

Jared Kushner, il topcussegliader e schender da Donald Trump.
Legenda da maletgs: Jared Kushner, il topcussegliader e schender da Donald Trump. keysone

E tgi è Kushner propi? El è figl dal magnat d'immobiglias Charles Kushner. Sco ils Trumps èn er ils Kushners ina famiglia da New York. Studegià ha Kushner a la universitad Harward soziologia, lura era giurisprudenza ed economia da manaschis. Davent dal 2004 ha el lavurà per l'imperi da ses bab ch'el ha er surprendì il 2005, cura che ses bab ha stuvì ir en praschun tranter auter pervi dad omissiun fiscala.

Autur/a: Sabrina Bundi