Insects da mangiar

Davent dad oz pon ins cumprar ed empustar en Svizra insects per mangiar. Trais sorts pon davent dad oz sa tschentar sin maisa u en bucca.

Insects da mangiar a Myanmar.
Legenda da maletgs: Insects da mangiar a Myanmar. RTR, Corina Luck

Il salep migrant, il grigl u la larva dal bau da farina. Quels trais insects ha la Confederaziun dà liber per metter en la chazzetta. I saja dentant pussaivel ch'ulteriuras sorts suondan anc, quai dentant pir en in segund pass. I saja numnadamain da controllar mintga sort exactamain.

Autur/a: Prisca Bundi