Il suizid dals fundaturs da la RAF

Ils 18. d'october 1977 han Gudrun Ensslin, Andreas Baader e Jan-Carl Raspe fatg suizidi en la praschun a Stuttgart – l'uschenumnada «Todesnacht von Stammheim». Els tutgan sper Ulrike Meinhof tar ils pli renumads fundaturs da la gruppaziun RAF, la «Rote Armee Fraktion».

Jan-Carl Raspe, Gudrun Ensslin e Andreas Baader (da seniester) che han fatg suicidi en la schinumnada "Todesnacht von Stammheim".
Legenda da maletgs: Jan-Carl Raspe, Gudrun Ensslin e Andreas Baader (da seniester) che han fatg suicidi en la schinumnada "Todesnacht von Stammheim". keystone

La RAF, ina gruppa d'extremists da la sanestra è stada responsabla per plirs attentats cun material explosiv, per rapinaments d'ostagis e per assassinats. Malgrad l'arrest han ils arrestads enturn il leader Baader er en la sala da dretgira proclamà enavant lur statements politics communistics anti-imperialistics. Il derschader da lezzas uras vuleva dentant bandischar la politica or da la sala – en retrospectiva heicli, pertgei uschia na pudevan ils accusads betg sa defender.

Ultra da quai hai er dà curt avant ina midada en la lescha che scumandava da far part a gruppaziuns terroristicas, uschia na stueva betg pli vegnir mussà si tar mintga singul accusà ch'el saja propi er stà involvà en il delict – per truar tanscheva esser part da la gruppa.