Il parlament grischun

Per sclerir: Il parlament grischun è il medem sco il Cussegl grond. Sco legislativa da noss chantun fa el las leschas.

Legenda da maletgs: RTR, Flurin Clalüna

120 deputads da tut ils circuls electorals sesan en il Cussegl grond. Lur job èsi, da far, midar u stritgar leschas u artitgels en la constituziun. Vinavant conferma il Cussegl grond il budget chantunal e tscherna ils derschaders dals tribunals chantunals.

Sis giadas per onn sa radunan ils deputads per circa trais dis a Cuira per lur sessiuns. Las sessiuns vegnan manadas dal president dal parlament. Sco schef dal pli aut gremi politic vala el u ella sco pli aut Grischun u pli auta Grischuna.

Autur/a: Flurin Clalüna