Il nunzi

In nunzi è er in ambassadur, in represchentant dal Papa tar la regenza d'ina terra. En Svizra è dapi l'onn 2015 l'american Thomas Edward Gullickson nunzi. Ed in nunzi è normalmain er in archuvestg titular.

La presidenta da la Confederaziun, Doris Leuthard fa bainvegni al nunzi Thomas Gullickson
Legenda da maletgs: La presidenta da la Confederaziun, Doris Leuthard fa bainvegni al nunzi Thomas Gullickson keystone

Thomas Gullickson ha dentant cumenzà sco nunzi a Trinidad e Tobago, sin las Bahamas e pli tard en l'Ucraina avant ch'el è vegnì en Svizra. Il Papa numna mintgamai il nunzi. E cura ch'el è ambassadur, ha el tranter auter da proponer trais candidats per la successiun dad in uvestg. In da quels vegn lura elegì dal chapitel catedral. Er per tscherner in successur da Vitus Huonder vul il nunzi Gullickson restar tar questa metoda usitada e betg forsa eleger ad interim in administratur apostolic.

Autur/a: Sabrina Bundi