Il dirndl

"Ozapft is" - oz cumenza a Minca la pli gronda festa populara dal mund, la festa d'october. E tar quella tutga sper il bier er il dretg outfit. Per las dunnas vul quai dir: trair en il dirndl.

Dirndls dat quai en il fratemp en tuttas colurs.
Legenda da maletgs: Dirndls dat quai en il fratemp en tuttas colurs. Reuters

Il num "dirndl" deriva dal pled tudestg "dirn", ina furma diminutiva per ina dunna giuvna. Enconuschent è "dirndl" dentant sco vestgì cun profund decoltée, rassa auta, taglia liada cun cordas ed in scussal. Quai n'è dentant betg in vestgì tradiziunal - lez vesaiva or tut auter. Il dirndl sco quai ch'el vegn purtà oz è vegnì formà en la segunda guerra mundiala.

Gertrud Pesendorfer è stada incumbensada dal Reich per costums tradiziunals. Ed ella ha liberà quels costums da la baselgia, ella ha "decatolisà" uscheditg ils costums cun prender davent il culier serrà, far pli curtas las mongias e cun aschuntar la taglia liada.

Autur/a: RTR/sb