Il di dals durmigliets

Ils 27 da zercladur è tenor la regla da purs in di per far prognosas da l'aura per la stad. L'aura dal di dals durmigliets cuntinueschia las proximas set emnas.

Bun'aura da stad dat buna racolta
Legenda da maletgs: Bun'aura da stad dat buna racolta. KEYSTONE

Il di dals durmigliets, il «Siebenschläfertag», era gia dal temp dal chalender giulian in indicatur per l'aura da la stad. Cun il chalender gregorian d'ozendi crudass quai di sin ils 7 da fanadur. Per ils meteorologs po l'aura enturn ils 7 da fanadur propi far ina prognosa per las emnas che suondan. En 67 da 100 cas gartegia la previsiun. Il di dals durmigliets na sa referescha betg als animalets che sumeglian a stgilats, mabain a la legenda da set giuvens cristians. Els èn vegnids serrads en in cuvel damanaivel dad Efesus. Ins haja liberà els 195 onns pli tard, ils 27 da zercladur dal 446.

Autur/a: Marionna Lombriser