Il di da Star Wars

Or dals 4 da matg han fans da Star Wars da l'entir mund fatg in vaira cult – e quai pervia d'in gag linguistic. La renumada construcziun may the force be with you (Möge die Macht mit dir sein) ch'ils Jedis dian per dar adia, tuna fetg semegliont sco May the fourth... pia sco ils 4 da matg.

Star Wars - ina scena dal nov film.
Legenda da maletgs: Star Wars - ina scena dal nov film. keystone

Ed uschia festiveschan fans sin l'entir mund oz lur films preferids. Dal reminent, il gag ha er schon gì in diever prominent. Margret Thatcher è vegnida ils 4 da matg 1979 primministra da la Gronda Britannia. Sia partida ha gratulà ad ella cun ina bandirola cun il giavisch: May the fourth be with you Maggie, Congratulations.