Hugh Hefner

Hugh Hefner, il fundatur dal Playboy è mort ier en la vegliadetgna da 91 onns. El è tranter auter vegnì enconuschent pervi da sias partys da sex en sia renomada villa «Playboy Mansion».

En la vegliadetgna da 91 onn è Hugh Hefner mort en sia villa a Los Angeles.
Legenda da maletgs: En la vegliadetgna da 91 onn è Hugh Hefner mort en sia villa a Los Angeles. Keystone

Hugh Hefner è stà maridà trais giadas, ha dentant savens anc gì pliras ulteriuras amitgas uffizialas. Durant in temp ha el schizunt gì set amitgas uffizialas, lura era quai dentant in zic bler ed el ha scursanì be pli sin trais. Success ha el tuttina gì enorm cun ses magazin cun bleras, bellas dunnas pli u main bluttas. Durant ils megliers temps ha el vendì 7 milliuns exemplars per ediziun.

Autur/a: Prisca Bundi