Harriet Tubman

Clubs da dunnas han ils ultims onns fatg grond squitsch per pudair midar il fatg che mo umens èn sin ils dollars actuals. Perquai è ussa era vegnida elegida ina dunna che duai vegnir sin la bancnota da 20 dollars.

Harriet Tubman - l'emprima dunna naira sin il dollar american
Legenda da maletgs: L'emprima dunna naira sin il dollar american. Keystone

Gudagnà ha ussa Harriet Tubman. Planisà è che la nova bancnota vegn ora il 2030. Dentant pudessi esser che la nova bancnota vegn gia ora pli baud pervi dal grond squitsch.

Harriet Tubman è naschida il 1822 sco sclava a Maryland en ils Stadis Unids. Ella s'ha pudì deliberar e ha lura era gidà a blers auters da sa deliberar da la sclavaria. Ussa passa 100 onns suenter la mort da Harriet Tubman (1913) vegn ella sco emprima dunna naira insumma purtretada sin la bancnota americana da 20 dollars. Quai era pir sco terza dunna en l'istorgia (Martha Washington, dunna dal emprim president e l'indiana Pocahontas).

Autur/a: RTR/gmm