Happy to chat benches

En il mund da la digitalisaziun datti milliuns vias co communitgar, ma las raits socialas na pon betg dar il sentiment chins ha sche umans vesan in lauter vis-a-vis. Quai po crear isolaziun sociala. Happy to chat benches duajan eliminar quest problem.

Legenda da maletgs: lavidaliverpool.com

Happy to chat benches munta tant sco: Banc per glieud che dat gugent ina baterlada. En tut la Gronda Britannia datti enturn 100 da quests bancs ed era auters pajais sco il Canada, la Germania u ils Stadis Unids han introducì da quels bancs. Sin quest banc datti numnadamain ina tabla che declera che sulettamain glieud che vul dar ina baterlada astga seser.

In banc fa frunt a la criminalitad

Il cumenzament da questidea è stada en lEngalterra. Ashley Young, in policist che lavura dapi 20 onns tar la polizia criminala, ha gì lidea. Dentant nha el betg gì lidea perquai chel sa sentiva isolà u persul, mabain per far frunt a la criminalitad. El di che persunas cun pauc contact social sajan pli periclitadas da daventar inunfrenda din act criminal. El enconuschia numnadamain in cas nua china dunna veglia saja vegnida cugliunada din criminal pervia da quai. Il criminal che è sa dà ora sco emploià da banca ha vulì daners da la dunna. Ella ha giudì uschè fitg quest contact social chella ha creà confidenza. La fin finala haja ella pajà 25000 francs sin in conto dubius. Quai fiss stà devitar schella avess gì dapli contacts socials.

La disfidanza en esters

Vinavant dettia spezialmain en la Gronda Britannia ina vista negativa encunter persunas ch'ins n'enconuscha betg. Ins saja fitg disfidant, dentant cun quella tabla duajan ins prender la tema a la glieud.

Autur/a: Lukas Quinter