Guardians of the Galaxy Vol. 2

Fans da science fiction han spetgà vess sin il segund toc dal film Guardians of the Galaxy. Quest'emna ha il film enturn Peter Quill e l'aracun Rocket festivà premiera en ils kinos svizzers.

En l’emprim toc dals Guardians of the Galaxy eran els inimis, uss sa tegnan els ensemen e cumbattan in per l’auter.
Legenda da maletgs: En l’emprim toc dals Guardians of the Galaxy eran els inimis, uss sa tegnan els ensemen e cumbattan in per l’auter. Keystone

En l'emprim film han ils Guardians of the Galaxy salvà l'univers. El segund film vegn fatg chatscha sin els. Peter Quill, Rocket e lur amis èn sin la fugia quai pervia che l'aracun Rocket ha engulà cellas d'energia dals Sovereigns. Uschia scappan els ensemen en ina nav spaziala. Sper massa action e cumbats datti era scenas pli emoziunals el film. Tranter auter chatta Peter Quill ses ver bab.

L'umor da las figuras en il film croda si fitg. Cunzunt l'urset Rocket, ma era ils auters amis, fan bleras sgnoccas. Quellas èn savens ironicas ni sarcasticas.

Autur/a: Selina Chistell