Grand Prix Literatur

Il tessinais Alberto Nessi ha survegnì ier il «Grand Prix Literatur», il pli aut premi per la litteratura svizra.

Purtret dad Alberto Nessi.
Legenda da maletgs: Alberto Nessi retschaiva ils 18 da favrer il «Grand Prix Literatur» a Berna. KEYSTONE

Il Grand Prix Literatur è in premi per auturs, che han in'ovra da la vita remartgabla. E questa giada è quai stà il tessinais Alberto Nessi che ha 75 onns e scriva lirica e prosa.

Il premi datti dapi l'onn 2012
Mintga onn duain tschintg fin set premis da litteratura ed in fin dus Grand Prix vegnids surdads. Ils victurs dals premis da litteratura gudognan mintgamai 25'000 francs, quels dal grand prix 40'000 francs. Tuts duain dentant pudair profitar da las mesiras da promoziun da la confederaziun per vegnir pli enconuschents en l'entira Svizra.

L'onn 2012 ha Arno Camenisch gudagnà in premi, lura aveva el dentant anc num «Eidgenössischer Literaturpreis». Dentant er quest onn hai dà ina victura rumantscha tranter ils set premis da litteratura, Leta Semadeni è ida cun la plima

Autur/a: RTR/cl