Graceland

Oz avant 40 onns è il King of Rock'n'Roll Elvis Presley vegnì chattà morts en il bogn da ses bain Graceland. Là en il curtin è el er satrà, e là è dapi l'onn 1982 il Mecca per tut ils fans dad Elvis.

Ina colonna da visitaders avant Graceland - il bain da Elvis.
Legenda da maletgs: Ina colonna da visitaders avant Graceland - il bain da Elvis. keystone

Graceland è in bain da tschintg hectaras cun chasa principala, garaschas, curtins ed er la fossa dad Elvis sa chatta qua. En ina tura pon ils var 600'000 visitaders per onn guardar la stiva, la cuschina, la stanza da televisiun, la stanza da billard cun bar, il Jungle Room nua che Elvis ha registré ses ultims dus albums sco er la garascha cun ses autos, töfs ed ulteriurs mobils sco ils dus eroplans Lisa Marie ubain Hound dog II.

Be l'emprima alzada da la chasa principala è dal tuttafatg serrada per visitadras e visitaders. Qua sa chattan las chombras da durmir sco er il bogn nua che Elvis è vegnì chattà morts. Fans speculeschan che tut saja laschà anc original en quella alzada, pia che nagut saja vegnì tutga, schizunt ils sientamauns duain anv pender en il bogn. Quai èn dentant be speculaziuns.

Autur/a: Sabrina Bundi