Giovanni Falcone

Il giurist talian Giovanni Falcone è stà ina da las pli enconuschentas figuras en il cumbat encunter la mafia siciliana Cosa Nostra. Oz avant 25 onns è Falcone mort tar in attentat.

Giovanni Falcone ha deditgà sia vita al cumbat encunter la mafia ed è mort cun 53 onns.
Legenda da maletgs: Giovanni Falcone ha deditgà sia vita al cumbat encunter la mafia ed è mort cun 53 onns. Keystone

Giovanni Falcone ha fatg in studi da giurisprudenza ed è sco giurist gia baud vegnì en contact cun cas da mafia tar la dretgira da Palermo. Ils onns 1980 ha el stgaffì cumissiun per cumbatter la Cosa Nostra. En quai temp han el e ses collegas fatg chatscha sin commembers da la mafia ed era manà differents process encunter quels.

Attentat da bumba

Giovanni Falcone viveva fitg malsegir ed ha survivì differentas attatgas. El viveva la finala sut protecziun da la polizia. Tuttina è Falcone mort tar ina attatga cun ina bumba plazzada sin inautostrada. Cura che lauto dal giurist è passà han ils attatgaders envidà la bumba. Sper el èn era mortas sia dunna e persunas da ses persunal. Avant dretgira, suenter quest attentat, è stà Giovanni Brusca, il schef da la Cosa Nostra.

Autur/a: Selina Chistell