Franz Hohler

Il scrivent, cabarettist e chantautur festivescha ses 75avel anniversari. Sia ovra la pli populara ha Hohler scrit avant 50 onns – il «Totemügerli».

Franz Hohler
Legenda da maletgs: Franz Hohler Keystone

Gia durant ses temp sco student ha Franz Hohler - ch'è creschì si ad Olten - gì ses emprims success sin tribuna e cun ses texts. Toc a toc è el vegnì enconuschent sco scrivent, cabarettist e chantautur. L'ovra cun il pli grond success è «Totemügerli – as bärndütsches Gschichtli» ch'èl ha scrit l'onn 1967. L'istorgia sa cumpona da pleds dal dialect bernais ed era da pleds inventads da Hohler. Uschia ha el creà in mund fabulus. Savens èn ses texts ina maschaida tranter realitad e mund fabulus.

Sia ovra «Totemügerli» è durant ils davos tschintg decennis vegnida interpretada da divers artists. Er translatà ha Hohler ella. Tranter auter er en ladin.

Autur/a: Selina Chistell