Fort Knox - il tresor dals Stadis Unids da l'America

Oz avant 80 onns han ils Stadis Unids construì a fin lur deposit d'aur. Quant aur ch'i ha precis en il Fort Knox san be paucs. Speculaziuns quintan cun var 4'600 tonnas.

Aur en il Fort Knox
Legenda da maletgs: Aur en il Fort Knox. KEYSTONE

Il Fort Knox sa chatta a Hardin en il stadi Kentucky. Il bajetg è segirà cun mirs gross ed ils sistems d'alarm ils pli moderns. La cumbinaziun da cifras per il code d'entrada è repartida sin pliras persunas. I ha num che nagin n'enconuschia l'entir code. Il guaud enturn il Fort Knox è runcà per che nagin possia s'avischinar a la zuppada.

Enturn il Fort Knox datti numerusas speculaziuns e teorias da conspiraziun. Uschia vegn colportà, ch'ils Stadis Unids duajan avair zuppà là in UFO u actas cun il num da l'assassin da John F. Kennedy.

Autur/a: Marionna Lombriser