Falsificaziuns d'art

Museums d'art han in misteri ch'els tegnan gugent tschelà. Bunamain mintga collecziun cuntegn ovras ch'èn falsificaziuns. Il museum Sprengel a Hannover ha gughegià da rumper in tabu e fa in'exposiziun cun sias falsificaziuns, cun il titel «Fake News – Original – Fälschung – Kopie».

Statua da Giacometti probablamain falsifitgada.
Legenda da maletgs: Statua da Giacometti probablamain falsifitgada. Keystone

Museums vivan da l'aura da l'art original. Sche l'art è falsifitgà, lura vegn mess en dumonda il dretg d'existenza d'in museum d'art. Il museum Sprengel ha dentant il desideri d'esser transparent ed avert. Il visitader survegn invista en la lavur davos las culissas: Tge vegn tut fatg, avant che cumprar in'ovra e co vegn quella prendida sut la marella per mirar, sch'ella è propi in original? Tschertas istorgias da las ovras èn vairs crimis, sco l'istorgia d'ina statua d'Alberto Giacometti.

Autur/a: Angela Hendry