Enviern! – Retards era tar ils trens

Las Viafiers Federalas svizras èn la nr.1 puncto punctualitad en Europa. L'enviern po dentant gia pauca naiv chaschunar retards considerabels en la rait da viafier.

In tren tras la navada
Legenda da maletgs: La naiv po chaschunar retard tar la rait da trens keystone

Dis da navada èn ils trens emplenids da pendularis enfin il davos chantun. Quai po chaschunar retards tar mintga fermada a la staziun. Dentant era naiv e glatsch che s'accumulescha sut ils vaguns po chaschunar retards.

Tar vastas raits da viafier sco per exempel en la Bassa po in retard chaschunar in effect da domino e far chaos tar l'entira rait da viafier. Tals dis rendi da planisar dapli temp da viadi.

Autur/a: Gaby Degonda/rtr