Diabetes

L'organisaziun mundiala da sanadad, la WHO, ha mess il di mundial da la sanadad sut il motto: Beat diabetes! - Cumbatta diabetes.

Controlla da sang.
Legenda da maletgs: Controlla da sang. KEYSTONE

Quatter giadas uschè bleras persunas sco il 1980 han gì il 2014 diabetes. Numnadamain passà 422 milliuns persunas. Adina pli bleras persunas en pajais paupers sco l'India, la Brasilia u er l'Indonesia survegnan diabetes perquai che la glieud daventa pli bainstanta. Cumbattì vegn cunzunt diabetes tip 2, quai è il tip che penda ensemen cun surpaisa ed ina vita malsanadaivla. Tip 1 perencunter vegn savens diagnostitgà gia tar uffants e n'ha nagin connex cun surpaisa. Tuttina n'è la diagnosa betg ina sentenzia da mort. Cun la medischina moderna pon ins viver bain cun la malsogna ed er daventar vegl.

Autur/a: RTR/bu