Di da la surchargiada da la terra

Per far attent sin il diever da resursas dat quai mintg'onn il di da la surchargiada da la terra. Quest onn è quel uschè baud sco anc mai. Quai munta: ils umans han gia oz duvrà si tut las resursas che la terra po renovar entaifer in onn. Anc l'onn 1997 era quai datum pir suenter nov mais.

Er ils guauds tropics pateschan da l'explotaziun da resursas.
Legenda da maletgs: Er ils guauds tropics pateschan da l'explotaziun da resursas. keystone

Las resursas manegiadas èn cunzunt guaud, aua e terren cultivà. Ils umans runcan pia dapli guaud, pescan memia blers peschs e produceschan pli bleras emissiuns che quai che la terra po reproducir entaifer in onn. Las consequenzas èn aura extrema, fomaz e spariziun da spezias sco er da sistems ecologics sco per exempel grips da curals, guauds tropics ni flums.

Per quintar or cur ch'il di da la surchargiada è, vegnan observads trends ed i vegn quintà cun il fastiz ecologic, pia cun il consum dals umans per exempel per producir energia, per bajegiar ni per tegnair muaglia.

Autur/a: Sabrina Bundi