Declaraziun da Schuman

L'anteriur minister da l'exteriur franzos ha mess l'onn 1950 il fundament per l'uniun europea. Perquai è ils 9 da matg er il di da l'Europa.

Robert Schuman
Legenda da maletgs: Robert Schuman, qua durant in pled a la conferenza d'industria europeica l'onn 1958. Keystone

Robert Schuman ha proponì en ses pled dal 1950 d'unir la producziun da charvun ed atschal da la Frantscha e da la Germania. Quai cun la finamira da stgaffir unitad, interess communabels ed uschia mantegnair la pasch entaifer l'Europa.

Evitar in'ulteriura guerra

Quai tut or da la situaziun che las terras da l'Europa pativan anc adina da las consequenzas da la segunda guerra mundiala. Ina nova guerra dueva sco Schuman ha ditg en ses pled, esser materialmain nunpussaivla cun la cuminanza d'atschal e charvun.

Il pled da Robert Schuman ha persvadi tant il chancelier da la Germania, Konrad Adenauer, sco er ils schef da stadi da l'Italia, l'Ollanda, la Belgia e Luxemburg. La cuminanza d'atschal e charvun (EGKS) ch'è vegnida fundada l'onn 1952 è in dals otg contracts da basa per l'Uniun europeica. L'onn 1958 èn lura vegnids tiers ils contracts davart l'atom e l'economia (EWR ed EURATOM).

Autur/a: Gion Gieri Flepp