«Darts»

Actualmain ha lieu a Londra il campiunadi mundial da darts. Ozendi èsi in sport, nua ch'i dat bler profis e nua ch'ins po gudagnar blers daners. Il sport da darts ha ses origin en l'Engalterra. Là vegni sajettà paliets sin la schiba dapi bun 120 onns.

L’Englais Phil Taylor (davostiers) è in dils gronds stars el mund da darts. El ha gia gudagnà 14 giadas il campiunadi mundial da l’organisaziun PDC.
Legenda da maletgs: L’Englais Phil Taylor (davostiers) è in dils gronds stars el mund da darts. El ha gia gudagnà 14 giadas il campiunadi mundial da l’organisaziun PDC. Keystone

Per blers è darts in tipic sport da bar. Durant ina biera pon ins anc sajettar insaquants paliets sin ina schiba.

Per ils profis n'è quai dentant betg mo in sport da hobi. I va per blers daners. Il victur dal campiunadi mundial a Londra dastga sa legrar sin la summa da 300'000 pounds (bunamain 400'000 francs).

Autur/a: RTR/Gian Carlo Candinas