Cordoli digital

Il cordoli ha chattà la via en la digitalisaziun. Ina persuna chè morta e era activa en il internet via era suenter la mort anc vinavant. Tut quai ha era midà la moda e maniera sco ir enturn cun la mort e las regurdanzas pretendan experts.

Tenor statistica moran mintg'on 3000 commembers da facebook.
Legenda da maletgs: Tenor statistica moran mintg'on 3000 commembers da facebook. Colourbox

Pigliainsa lexempel da facebook. Statisticamain moran mintgon 3000 commembers da facebook en svizra. Sin quai ha facebook reagi e metta a disposiziun in stadi commemorativ. Uschè sa ha enavant il profil digital sin facebook dentant sa la glieud che la persuna e morta. Sin facebook sa poja era decider ina persuna che duai administrar il profil digital en cas da la mort.

I da perfin ina firma che metta a disposiziun da far videos sur da la persuna morta per metter lura en las raits socialas. Il trend va en direcziun da santeris digitals.

Santeris digitals

Experts vesan in avantatg en santeris digitals sche va per parents ni amis che vivan lunsch davent da la persuna che e morta. Cun in santeri digital e la persuna morta lura dapertut e in po prender cumià ensemen cun auters. Però in impurtant aspect da tor cumià na possa vegnir remplazzà digital: il contact direct cun autras persunas. Contact cun auters haja in grond effect da confiert sco per exempel cun sa guardar en ils egls ni embratschar.

Dentant ils santeris classics restan era en avegnir dentant han era quels stizzis da la digitalisaziun. I dat la pussaivladad da gravar en il crap in code chins po scannar cul handy e persuenter as survegn las infurmaziuns da la persuna che e morta.

Autur/a: RTR/fc