Chiavenna

Chiavenna è ina citad en il nord da l'Italia. La citad ha ina surfatscha da 11 kilometers quadrat e 7'300 abitants ed abitantas.

Legenda da maletgs: Keystone

Chiavenna aveva enta maun las clavs dal Pass dal Malögia e dal Pass dal Spleia. Perquai aveva la citad pli baud num «Clavenna» – dal pled roman «clavem». Cun il temp è il num sa midà en Chiavenna.

Attracziuns a Chiavenna datti ina massa. Per exempel san ins visitar il «Giardino Botanico» ed er sin il martgà da l'emna vali la paina da dar in'egliada.

Autur/a: Natalia Murtas