Chavels grischs/alvs

Ils paucs han plaschair dad els, baud u tard survegn dentant mintgin chavels grischs u alvs. Magari han ins il sentiment che insatgi vegnia schizunt alv sur notg. Quai n'è betg pussaivel, i dat dentant in connex tranter stress e chavels grischs.

Legenda da maletgs: Keystone

Scienziads americans da l'universitad d'Alabama Birmingham han chattà in connex tranter gens da la colur da chavels e gens dal sistem d'immunitad. Malsognas sco infecziuns, dentant era stress psichic cronic promovan il sistem d'immunitad. Quel n'attatga betg mo il virus, mabain era gruppas da cellas-tschep, ils melanocits. Senza melanocits van las cellas da pigment a frusta, ed uschia vegnan ils chavels grischs/alvs.

Evitar stress, sa muventar savens, mangiar sanadaivel e betg fimar po gidar da betg daventar alv sin il chau. E tgi ch'è propi curaschus po era experimentar cun suc da tschagulas.

Autur/a: Angela Hendry