Charn or dal labor

Gia en trais onns duai esser pussaivel da cumprar e mangiar charn ch'è vegnida producida en il labor. Il mument èsi dentant anc fitg char da producir da questa charn.

Charn en il labor.
Legenda da maletgs: Charn en il labor. SRF


La charn or dal labor schliass in problem global. Fitg bleras resursas vegnan duvradas per trair animals da niz. Ed i vegn quintà che la dumonda suenter charn creschia fin l'onn 2050 anc ina giada per 70%. Cun pudair producir la charn en il labor pudess ins evitar ch'adina dapli animals stuessan laschar lur vita per il consum da charn. Avant ch'igl è uschè lunsch, ston dentant anc insaquants problems vegnir schliads. Tranter auter ston ils custs da producziun vegnir reducids ed ils carstgauns ston vegnir persvas da la charn or dal labor.

Autur/a: Prisca Bundi