Caesar

Caesar n'è betg be il num da Gaius Julius Caesar, mabain il pled è er daventà in titel, il titel da l'imperatur da l'imperi roman antic.

Ina statua da Caesar.
Legenda da maletgs: Ina statua da Caesar. Keystone

L'emprim ch'ha purtà il pled sco titel e na betg sco num è stà Augustus, il nevs che Gaius Julius aveva adoptà. Danunder ch'il pled «Caesar» deriva dentant n'è betg cler, i dat pliras variantas. La pli probabla è ch'il pled deriva dal pled latin «caedere» che munta tant sco tagliar si - quai perquai che l'emprim cun il num Caesar è vegnì taglià ord il corp da sia mamma. Perquai datti oz er l'expressiun tagl cesarian, «Kaiserschnitt».

Autur/a: Prisca Bundi