Bumba idrogenica
- Glindesdi, 4.9.2017, 8:40
Termins da l'emissiun
-
Emprima emissiun:
- Glindesdi, 4.9.2017, 8:40, RTR
Il dictatur da la Corea dal Nord Kim Jong-un ha puspè laschà explodir ina bumba. Questa giada ina bumba idrogenica, quai tenor atgnas indicaziuns.
Legenda da maletgs:
Bumba idrogenica il 1952.
Keystone
Ina bumba idrogenica funcziuna auter ch'ina bumba atomara. Ella producescha l'energia cun fusiunar il coc da l'element idrogen. Ina bumba atomara dentant fissiunescha il coc da l'uran ni dal plutonium. Perquai ha la bumba idrogenica er dapli energia, i dovra dentant er dapli energia per envidar ella. Questa energia po sulet ina bumba atomara producir, quella servescha pia sco ina sort envidader.