Béliers

Ils Béliers èn in'organisaziun da separatists pro Giura. Cunzunt en ils onns sessanta e settanta èn els crudà en egl cun acziuns radicalas. Els han cumbattì per in Giura liber.

Béliers malegian l’onn 1997 la vopna dal Giura sin ina plazza a Moutier.
Legenda da maletgs: Béliers malegian l’onn 1997 la vopna dal Giura sin ina plazza a Moutier. Keystone

Demonstraziuns da tuttas sorts van sin il conto dals Béliers. Tranter auter han els disturbà l'onn 1971 il final dal campiunadi mundial da hockey sin glatsch a Berna. Là han els scandà lur parolas «Jura libre». Dapi lura è il conflict Giura-Berna enconuschent er sur ils cunfins. Plinavant han els derschì la statua da la «Giustizia» giu da la funtauna da giustia en la citad veglia da Berna.

Oz pli ruassaivels

Oz èn ils Béliers pli ruassaivels. Gia l'onn 2013 avevi num ch'il cumbat saja finì e ch'i dovri uss debattas. E debattas hai adina puspè dà. Suenter la fundaziun dal chantun Giura lonn 1979 han diversas vischnancas discussiunà davart la midada dal chantun Berna en il chantun Giura. Il pli giuven chapitel en il conflict tranter il Giura e Berna è quel da Moutier. La vischnanca da Moutier ha decidì dumengia da midar chantun. Suenter Vellerat è Moutier la segunda citad che mida da Berna en il Giura.

Autur/a: Selina Chistell