#bedforawayfans

Sut il Hashtag #bedforawayfans han persunas a Dortmund purschì a fans da l'AS Monaco in plaz da durmir tar els a chasa. Quai suenter che trais bumbas eran explodidas en la vischinanza dal bus dequipa dal BVB Dortmund.

Suenter l’attatga sin il bus d’equipa da Borussia Dortmund ha l’UEFA sposta il gieu da Champions League.
Legenda da maletgs: Suenter l’attatga sin il bus d’equipa da Borussia Dortmund ha l’UEFA sposta il gieu da Champions League. Keystone

Curt avant il gieu da Champions League tranter Dortmund ed l'AS Monaco èn trais bumbas detunadas en la vischinanza dal bus da Dortmund. Entras l'attatga è il defensur da Dortmund Marc Bartra vegnì blessà. Suenter ha l'UEFA stuschà la partida sin mesemna ils 12 d'avrigl. Cunquai che fans da Monaco n'avevan uschia betg in suttetg per la notg han persunas a Dortmund endrizzà il Hashtag #bedforawayfans. Là han persunas a Dortmund fatg amogna a fans da l'AS Monaco lur letgs e canapés. Igl è vegnì tar ina gronda unda da solidaritad tranter ils fans da las duas equipas.

Autur/a: Selina Chistell