Barry Callebaut

Barry Callebaut è il pli grond producent da tschigulatta dal mund cun sedia a Turitg, firmas en 34 differents pajais e passa 8'500 lavurants. Ils ultims mais ha la firma auzà ses gudogn per 40%. La firma fa ina svieuta da 6,8 milliardas francs.

Il logo dal producent da tschigulatta Barry Callebaut.
Legenda da maletgs: Il logo dal producent da tschigulatta Barry Callebaut. keystone

Quai cunzunt pervi da mesiras da spargn, dentant er perquai che er pajais sco la China mangian dapli tschigulatta. Dentant d'in boom na possian ins betg discurrer, anc adina saja la tschigulatta en China mo pauc enconuschenta. Ella è er betg attractiva da vender en pajais pli chauds cunquai ch'ella sto adina vegnir frestgentada. Uschiglio dat quai ina rasada alva sur la tschigulatta perquai ch'il paintg da cacau «lieua».

Autur/a: Sabrina Bundi