Aleppo

Dieschmillis Sirians rogan che la Tirchia avria ils cunfins. Aleppo, la citad en il nord da la Siria, è vegnida bumbardada da Russ e Sirians senza resguard sin la populaziun.

Vista sin la citad Aleppo.
Legenda da maletgs: Vista sin la citad Aleppo. REUTERS

Aleppo è la citad da la Siria il pli datiers dal cunfin cun la Tirchia. Anc avant 4 onns vivevan là passa dus milliuns persunas. Aleppo è la chapitala da la provinzia Aleppo e suenter la chapitala Damascus la pli gronda citad. Ma Aleppo è uss ina citad bumbardada, ina ruina d'ina citad, ina citad fantom. Be quai n'è betg adina stà uschia. Dapli davart questa citad en noss chavazzin dal di.

Autur/a: RTR/cl