30 onns Tschernobyl

Oz avant 30 onns è la catastrofa da Tschernobyl capitada. Il reactur numer 4 è explodì, nivels radioactivs sa derasan sur l'entira Europa, millis carstgauns mieran. Tge è capità dapi lura?

L'ovra atomara a Tschernobyl en l'Ucraina
Legenda da maletgs: L'ovra atomara a Tschernobyl en l'Ucraina Keystone

Suenter l'explosiun a Tschernobyl ha quai durà in temp enfin che tuts èn stads infurmads da la catastrofa. Las emprimas novitads publicas en l'Europa dal West hai dà pir dus dis suenter l'accident. E quai, cura ch'igl è vegnì mesirà en Svezia ed en Pologna ina radioactivitad enorm auta.

Dentant è la populaziun da Prypjat, il lieu directamain dasper l'ovra electrica, vegnida evacuada anc il di da l'accident. Davent dals 4 da matg, 9 dis suenter l'accident, èn er ils abitants dals lieus en la zona da 30 kilometer enturn l'ovra vegnids evacuads. Dentant successivamain èn els puspè vegnids serrads. L'ultim l'onn 2000.

Enturn il reactur 4 è schont l'onn da l'accident vegnì bajegià in bloc da betun. Dentant plievgia, schelira e vent han ranschau il bloc. I ha dà fessas.

Perquai è vegnì decidi l'onn 2012 da bejagiar in mantè da atschal enturn il bloc. Quest mantè duai esser pront l'onn 2017 e proteger la cuntrada 100 onns ditg da radiaziun.

L'ovra atomara Tschernobyl duai lura era vegnir spazzada. Pervia da la radioactivitad dura quai dentant anc in mument, probablamain enfin l'onn 2065.

Autur/a: RTR/sb