Surmeir – ina vallada plain monuments

En l'entira Svizra èn oz ils Dis europeics dal patrimoni. En Grischun pudain nus visitar vitgs, chasas e turs – en Surmeir cun visitas guidadas da persunas dal fatg. Quai è ina buna occasiun per ans dumandar la muntada dals nums da vitgs sco Riom, Parsonz e Salouf. Lur derivanza è anc adina plain misteris. Forsa che Riom è parentà cun Realta, omadus nums pudessan cuntegnair il pled latin per riva. Main difficultus para dad esser Casti, nua che nus pudain facilmain identifitgar in chastè. Pertge che quella vischnanca vegn pronunziada en maniera differenta en tudestg è dentant in'autra istorgia!