Paulin ed il latg da la chamutscha

chau da Chasper Pult
Legenda da maletgs: Chasper Pult. RTR/G.Dazzi

Oz è l'onomastic da Paulin, il diminutiv da Paul. Pertge inditgeschan noss chalenders quest num? Sulettamain en il Calender Romontsch chattain nus in «Paulin da Trier», quel che daventa l'onn 347 uvestg a Trier, la bella citad sper il flum da la Mosel. Ma curt suenter refusescha el in'ordinaziun da l'imperatur Constantinus II e vegn bandischà en Frigia, ina regiun da l'Anatolia en Tirchia.

En quella regiun eran sa domiciliads gia avant la conquista dals Romans ina part dals Celts numnads Galaters, quels als quals Paulus ha scrit ina brev che nus chattain en la Bibla. En grec vegl signifitgescha «gala» latg, forsa che lur num deriva da quai. En il Grischun enconuschain nus ils «Fängga», selvadis che gievan a chatscha da chamutschs per baiver lur latg.

Redacziun: Chasper Pult