Pancraz

chau da Chasper Pult
Legenda da maletgs: Chasper Pult. RTR G.Dazzi

Oz è il di dal s.Pancraz, in dals sontgs da glatsch. Tar nus sa numna el era Barcazi, Brancazi u Brincazi. Quest pover martir è vegnì decapità durant il temp da Diocletian pervi da sia cardientscha cristiana. El vegniva onurà en l'entira Europa ed ina basilica en la via Aurelia porta ses num.

Ses cumpogns Servaz e Bonifaz e sia cumpogna, la Sofia fraida, fan tschiffar tema pervi da scheliras pussaivlas.

Las reglas purilas dals sontgs da glatsch sa basan dentant sin ina perioda medievala fraida, il pitschen temp da glatsch. E suenter dus onns cun scheladas è la probabilitad dad ina terza pitschna – damai restai calms!

Redacziun: Chasper Pult